Haqqımızda

Bizim ən güclü rəqibimiz zamandır!
Biz yükləri təyinat nöqtəsinə çatdırmaq üçün hər gün zamanı qabaqlamağın yeni yollarını axtarırıq. Bu yolda bütün insan kapitalı və nəqliyyat infrastruktur resurslarımızı yüklərin vaxtında və təhlükəsiz şəkildə çatdırılması üçün səfərbər etmişik.

Biz çox seçiciyik. Müştərilərimizə daha yaxşı xidmət göstərmək üçün nəqliyyat sahəsində dünyanın qabaqcıl şirkətlərinin nəqliyyat vasitələri avtoparkımıza toplamağa nail olmuşuq. Əhatə dairəmizi genişləndirmək və beynəlxalq bazarda mövqeyimizi möhkəmləndirmək naminə dünyanın müştərilərimizin yüklərini MAN, DAF, Krone, Carrier, Schmitz Cargobull, Termo King, Foton, Kasbohrer kimi şirkətlərin nəqliyyat vasitələri ilə yola salırıq.
Əhatə dairəmizi genişləndirməyin yolu maariflənməkdən keçir.
Avtoparkımızda 50 nəqliyyat vasitəsi ilə daha uzaq məsafələri fəth etmək, keyfiyyətli xidmət göstərmək, daşıyacağımız məhsulların çeşidini artırmaq üçün İSO 9001, İSO 14001 və GDP sertifikatlarını əldə etmək uğrunda çalışdıq.

Bu sertifikatları əldə etdik ki, qida, dərman, tibb məhsulların daşınmasında əməyin mühafizəsi və ətraf mühitin mühafizəsi standartları da daxil olmaqla, yüklərinizi daha geniş coğrafi ərazilərə çatdıra bilək.
20-dən çox ölkə təcrübəsi
Deyirlər hər bir beynəxalq yükdaşıma şirkəti öz xarici ölkə təcrübəsi ilə tanınır. Bizim də təcrübəmiz yaşımıza görə az deyil. Getdiyin yolları göstər, deyim sən kimsən prinsipinə əsaslansaq 15-dən çox əsas müştərimizin yüklərini Türkiyə, Rusiya, Qazaxıstan, Gürcüstan, İran, Belarusiya, Ukrayna və digər MDB ölkələri, eləcə də Orta Asiya ölkələri istiqamətindən ölkəmizə və əks istiqamətə daşımışıq deyə bilərik.

Bütün bunların yekununda artıq 5 ildir ki, Fresh Logistics olaraq yerli bazarda müştərilərimizin gözünüzü yollarda qoymamaq üçün yüklərini təyinat nöqtələrinə vaxtında və təhlükəsiz çatdırmaq üçün zamanla mübarizə aparırıq.